Plus Rien

Aghora si!

2012-01-18T09:04:00.003-08:00

" La calle es mía "

Aghora si!

2012-01-18T09:04:00.001-08:00

" La calle es mía "

Asicomoasi.

2011-12-07T14:11:00.000-08:00

Un cinseiro.

Unha luz.

¿E as bágoas? ¿Onde quedaron as bágoas? ¡Onde quedaron as bágoas!

Un cinseiro.

Contraluz.

Morro por vós. Xúrovos que morro por vós.

Que te rilho!

2011-11-16T09:45:00.001-08:00

A flor dos teus olhos.

2011-11-16T09:43:00.000-08:00

A lot of glass.

2011-11-16T09:41:00.000-08:00

Velocidade.

2011-11-16T09:39:00.000-08:00

Sono. Inmenso.

2011-11-16T09:38:00.000-08:00

Ao lonxe, o mar.

2011-11-16T09:35:00.000-08:00

Switzerland.

2011-08-23T08:44:00.000-07:00

Colisseo.

2011-08-23T08:43:00.000-07:00

Trastevere.

2011-08-22T03:45:00.000-07:00

2011-06-06T04:47:00.000-07:00

Para calar somos moitos e para berrar non cheghamos.
A forza é a palabra, e agora, máis que nunca, falemos.

Non hai pan para tanto chourizo.

2011-05-27T07:14:00.001-07:00

Acampada Ourense.

2011-05-27T07:12:00.000-07:00

Galiciatour.

2011-05-18T09:31:00.000-07:00

Ad aeternum.

2011-05-18T09:30:00.000-07:00

A guerra máis fría do mundo.

2011-05-03T03:39:00.000-07:00

Matar por matar.

Democracia absoluta.

Alemania.

2011-05-02T06:37:00.001-07:00

Alemania.

2011-05-02T06:33:00.000-07:00

Incandescente.

2011-04-12T04:19:00.000-07:00

Guezos - A esmorga.

2011-02-26T05:38:00.001-08:00

A Limia.

2011-02-25T05:41:00.001-08:00

As ondas. Inverno.

2011-02-25T05:32:00.000-08:00

As ondas.

Ti ficas lonxe. Ao meu carón.

É inverno,

Non te deixes enganar.

Xa non quedan folerpas,

Mais hai cousas que nunca cambian.

É inverno.

As ondas.

¿Oxalá?

2011-02-24T06:36:00.000-08:00

Oxalá.

Sempre me perdo no mesmo camiño. Sempre no mesmo camiño.

Economía de mercado.

Produción.

Mais eu fico aquí. Sempre aqui.

Ao outro lado do mar hai un barquiño.

E ti?

Quen asubía no monte? Quen asubía?

2011-02-02T06:04:00.000-08:00

Como cruzar o Atlántico, se non son quen de sair destas catro paredes.

O sol quenta menos ca un braseiro.

Plus Rien - Les Cowboys Fringants

2011-02-02T06:00:00.000-08:00

O Lobo.

2011-01-11T05:15:00.000-08:00

Ela tece.

Ti miras.

O lobo babexa á espera da súa presa.

Ela tece.

Ti miras.

As gadoupas do lobo asoman entre a escuridade.

Ela tece.

Ti miras.

E entón o lobo ataca, posuído por un desexo sobrenatural. O lobo feito home, ou o home feito lobo. E o veneno penetra, deica o máis profundo, do seu ser. Ela non morre. Ela fica tumbada sen nada que dicir. Sen nada que facer. Ela non chora. Ela é unha muller.

Palabras. Tan só palabras.

2010-10-31T07:25:00.000-07:00

Algún día gostei moito das palabras. Agoran doen. Coma as badaladas da Igrexa cando tocan a defunto. Crávanse tan adentro...

O baile.

2010-10-31T07:24:00.001-07:00

Bailas?
Non. Ti non bailas porque xa non che quedan folgos. De tanto correr.

Antela.

2010-10-31T07:21:00.000-07:00

Chove.
A Limia inúndase paseniño.
Retornan imaxes dun tempo esquecido.
Antela.
Porque non voltas?

Ille Tempore.

2010-10-05T07:46:00.000-07:00

Mmmm.

2010-10-05T07:43:00.000-07:00

Córdoba.

2010-08-19T15:33:00.002-07:00

Badajoz.

2010-08-19T15:33:00.001-07:00

Mérida.

2010-08-19T15:32:00.002-07:00

Lisboa.

2010-08-19T15:32:00.001-07:00

Belem.

2010-08-19T15:30:00.000-07:00

Sintra.

2010-08-19T15:29:00.001-07:00

Cascais.

2010-08-19T15:28:00.000-07:00

Mira.

2010-08-19T15:26:00.000-07:00

Non hai máis cegho que o que non quere ver.

2010-06-21T15:24:00.000-07:00

2010-05-25T05:31:00.000-07:00

Inundades os nosos mares
Coa sangue dos vosos ollos.

Sorrisosonsorrisosonsorrisos...

2010-05-12T06:10:00.000-07:00

Gostaría ser pedra...

2010-05-12T06:07:00.000-07:00

Malfalada.

2010-04-30T01:55:00.001-07:00

Eu falo na linghua dos malfalados, e berro, berro ben alto pra que me sintan na Conchinchina, falo nesa linghua de diaños que habitan os montes e foxen, foxen das fouces que afiades con esa vosa fala tan ghrata y noble, tan señorial y digna, tan de bien, que el ghallegho te es de esclavos, que mexades por nós pero aghora xa non chove, que temos paraughas e vós, vós nunca seredes ninghén.

Croac.

2010-04-30T01:44:00.000-07:00

Despois da pincelada cheghou o alento, e respiramos, e acelérase o pulso, e incluso cantamos nunha armonía de acordes doutro mundo, e choramos, ao final sempre choramos porque todo remata, e as bágoas, sempre as bágoas, porque ti, incluso ti, desapareces.

Lagoa de Antela.

2010-03-16T05:53:00.000-07:00

Vilameá.

2010-03-16T05:50:00.000-07:00

Serra do Xurés.

2010-03-16T05:47:00.000-07:00

Un río.
Monte.
O Sol.
Ti.
Un domingo.
A herba.
Eu.
As árbores.
Unha rocha.
Auga.
Máis sol.
Nós.
O paraíso.

O Xurés.

2010-03-16T05:45:00.000-07:00

A Lanzada.

2010-03-04T06:02:00.001-08:00

HHmmm.

2010-02-22T10:36:00.001-08:00

Cruzadas tódalas fronteiras tan só nos quedou a excusa de non querernos. Mais nunca foi válida para ningún dos dous. Perseguimos tantos soños que a realidade ficou demasiado inverosímil. Espertamos. E agardamos que ao durmir, todo fose outra cousa. Outro lugar. Outra vida. Pero nunca chegamos a pechar os ollos. Ficamos mirándonos eternamente para voltar á esencia do que nos levou ata aquí.

Mais nada que dicir...

2010-02-22T10:25:00.000-08:00

Metaforicamente

2010-01-20T10:28:00.000-08:00

E pronunciei a metáfora máis fermosa que xamáis poidese escapar da miña ghorxa : "o amor faime suar".

2010-01-12T08:14:00.000-08:00

Sinto rachar o xeo contra os cristais da fiestra de enfronte. E non son quen de abrir os ollos. Pésanme as pálpebras. Pésame a ausencia. Búscote en cada recuncho. Pero aquí só quedan bágoas e restos de desacougo. A fragancia a ti xa non impregna as paredes. Xa non fican en silenzo os beizos do mar. Escoito ruxir o vento e preciso aquela man que me agarraba. Aquela aperta tras cada pesadelo. Aquel non respirar porque o teu alento era suficiente.

Lady BanAna

2010-01-11T08:06:00.000-08:00

Killing me softly with his song...

2010-01-11T08:02:00.000-08:00

Traspasar a fronteira do odio, e levados pola paixón sumerxirse no placer das carnes. Iso é amor. Aínda que sexa máis amable pensar que se trata de algo menos superficial. Superficiais somos todos. Para que negalo.

Cara o centro do labirinto.

2009-11-30T10:18:00.000-08:00

Soñaba cunha gota de chuvia.

2009-11-30T10:11:00.000-08:00

Perdida naquel deserto ningún oasis tería sido suficiente. Inmóvil e sen folgos, todo semellaba rematar tan preto que os segundos pasaron a ocupar o lugar das horas martirizándome en cada silenzo. O reloxo ficou parado eternamente.

Soñaba cunha gota de chuvia. E un día, choveu.

Na imposibilidade dos meus soños radica a túa beleza.

2009-11-28T05:47:00.001-08:00

Olha pra ´riba rapás!

2009-11-28T05:39:00.000-08:00

Na calma, o mar...

2009-11-04T10:34:00.000-08:00

Na calma, a choiva...

2009-11-04T06:25:00.000-08:00

Caótica Ana...

2009-11-04T06:15:00.000-08:00

Impredecible. Incapaz de sobrevivirme. Mátome a min mesma en cada instante. En cada golpe de infortunio. En cada verba incontrolable. Como incontrolables se tornan os arraigos. Vivo arraigada a unha vida que nunca me pertenceu. Non son dona de min mesma. Indescriptible. As bágoas apodéranse de min cando os sorrisos aínda non me abandoaron. Esas bágoas que me funden no máis escuro oucéano, para devolverme de novo á claridade da órbita estelar. E descubrir que ese astro magnético nos dirixe, nos ata, nos une e nos intensifica. E nos sen facer nada, deixámonos levar. E nunca chegamos a ningún lugar. As miñas viaxes sempre son curtas. Oxalá o fosen máis. Preciso non sentir. Ficar muda. Esvaerme tralos cristais, ser vao, ser mais eu, e menos ti. Resucitar.

2009-11-02T17:02:00.000-08:00

Voltaron as choivas.

O mar, fuxindo do sentimento de culpabilidade, fainos cómplices do seu desacougo.

O mar ruxe cada noite, cada vez máis preto, cada vez.

O mar non fala, cuspe.

Voltaron as choivas. Meu amor.

2009-10-26T12:32:00.000-07:00

Esta noite esquecín pechar os ollos
Fiquei muda
E atopei por un momento
A esencia do mundo.

Resistencia.

2009-10-09T04:40:00.000-07:00

Para Alba, unha gran artista á que lle gusta a vida. E cághase no diñeiro.

Quixera ser tan alta como a Lúa...como a Lúa...

2009-10-09T04:35:00.000-07:00

2009-09-30T13:15:00.000-07:00

Preciso apertas
Que me aten a este mundo...

Tódolos camiños levan a Roma.

2009-09-24T03:09:00.000-07:00

Undíadestes...

2009-09-22T02:46:00.000-07:00

2009-09-22T02:45:00.000-07:00

E ficar mudos ,

cando as palabras deixen de existir.

Eu non son ninguén.

2009-09-09T04:15:00.000-07:00

BanAna & AppLe

Amencer.

2009-09-08T01:30:00.001-07:00

¿Como sería un amencer na lúa?

Este perfume antóllaseme triste, meu amigo,
Demasiadas bágoas derramadas na súa elaboración,
E todo por saber,
Todo só por saber,
Como sería un amencer na lúa.

Voltou o frío.

2009-09-03T02:04:00.000-07:00

Voltou o frío. E con el vai marchando o chiar dos paxaros. E axiña, marcharemos todos. Voltou o frío. E o mar agárdanos impaciente, á espera de cautivarnos unha vez máis naquelas terras plagadas de incertidume. De non saber que facer. De bágoas desecadas.
Voltou o frío. E agora o reloxo avanza imparable cara o adeus. Xa nos veremos. Deica outra.

BanAna & AppLe

Grrrrrrrr.

2009-08-19T01:20:00.000-07:00

Memorias dunha tumba.

2009-08-18T01:35:00.000-07:00

- ¿Sabes? Ás veces penso na liberdade. Imaxínoa. ¿Ti non? Penso nos paxaros. E nas nubes. Acórdome moito das nubes. E da choiva. Aínda parece que podo sentila rompendo contra o cristal da nosa fiestra. Gostaba tanto da choiva...

- Eu non penso. Nin nas nubes. Nin na choiva. Nin na nai que os pariu a todos. Non penso. ¿Para que? Tanto tempo aqui metido, morto, entre esta morea de vermes que me roen por dentro, me esnaquizan, e me engulen, famentos desta carne podre da que non soporto nin o cheiro, nin o puto frío que desprende, nin o asquerosa que se volveu nesta merda de nicho, que para iso paguei seis mil euros, para estar aqui afogado, para non descansar en paz nesta maldita eternidade que me espera, mecago na igrexa e nos santos todos, mecagoenrós, mecagonacona, que vos furo a todos, que vos queimo, que a ver que cona é esto, que eu merezo algo mellor, que si, que para iso estiven 20 anos en Alemaña, para comprar un bo nicho e non esta merda que me venderon os cabróns estes que non pensan máis que neles e na nai que os pariu a todos.

BanAna & AppLe

Logo de ti.

2009-08-14T09:58:00.001-07:00

Logo de ter dito cen mil estupideces. Logo de ter escrito o que nunca me atrevín a dicir. Logo de ter chorado. E de ter rido. Logo de tódalas gargalladas que estouraron nas nosas gorxas. Logo de ter cantado en tódolos infernos posibles. Logo de ternos queimado. De ter ardido. De ter morto. Logo do sol. Logo do aire. Logo de ter respirado do teu alendo. Logo de ter deixado de respirar. Logo do mar. Logo das ondas. Do solpor. Logo de ti. Logo de ti xa non quedou nada. Logo de ti, logo de ti...as palabras ficaron mudas. Esvaéronse. Logo de ti, o fume. Nada máis.

BanAna & AppLe

2009-08-14T08:54:00.000-07:00

Sinto dicir que este mundo xa non me pertence. Esta terra que eu piso, este sol que me abrasa, esta sequía, este non respirar, xa non me pertencen. Hai tempo que pasaron a habitar no pozo sin fondo que rodea o meu esquelete. Este esquelete de papel que a putrefacción moldea seguindo as leis que nalgún lugar se ditaron para nós. Para nós, amantes da vida que algún día decidimos que este mundo xa non nos pertencía. E pensar se algún día nos pertenceu. Se fomos donos de algo. Se fomos donos de nós mesmos. Se fomos. Sen máis.

BanAna & AppLe

Relato.

2009-08-14T08:51:00.001-07:00

Pechei a boca. Fiquei en silenzo. Contiven a respiración. Morrín.

Non sei que hora era. As agullas do reloxo había tempo que non marcaban as horas. Nin sequera os minutos. Tan só, o tic, tac dos segundos permanecía intacto. Indestructible. Insufrible. Trataba de evadirme. Do lugar. Do momento. Do sucedido. Pera xa nada era posible. O peso do mundo caia sobre min e os pesadelos traspasaran o límite dos soños para facerse presentes no mundo sensorial. Ateigados de monstros con rostro humano. Xente envelenada pola codicia. Buscadores de cadáveres. E alí no medio, estabas ti. Sempre tan sereno. Tan irreal. Tan sacado dun conto de fadas. Parecías non inmutarte por nada. Unha punzada atravesoume o peito no mesmo momento en que ficaches alí, inmóvil, ao meu carón, coa ollada cravada neste corpo practicamente esmagado. Mirábasme con esa inexpresividade que tanto te caracteriza. Tanto te caracterizou sempre. Non fuches quen de tenderme a man. De sacarme de alí, da morea de escombros que esnaquizaba o pouco que quedaba de min. Non fuches quen de derramar nin unha soa bágoa. Nin sequera no momento en que pronunciei as miñas últimas palabras. "Quérote, meu amor".

BanAna & AppLe

...

2009-07-31T11:45:00.000-07:00

Cruzache a mampara de auga que
nos separaba. Agora só queda atravesar
o oucéano.

2009-07-31T11:41:00.000-07:00

Nós tamén voamos. E somos máis rápidos que
os paxaros.

Quéremenonmequeremenonmequeremenonmequeremenonmequeremenonmequeremenonmequeremenonmequeremenonmequeremenonmequeremenonmequeremenonmequereme

2009-07-31T11:36:00.000-07:00

Oporto.

2009-07-01T05:58:00.000-07:00

A máquina do tempo.

2009-07-01T05:54:00.000-07:00

Forever young, I want to be forever young
Do you really want to live forever, forever and ever

A San Andrés de Teixido vai de morto o que non foi de vivo.

2009-06-18T16:30:00.000-07:00

Pechei os ollos.

2009-06-18T16:21:00.000-07:00

Só así se pode sentir,
Só así amar,
Como eu te amei.

O Luquiñas.

2009-06-18T16:13:00.000-07:00

-Shhhhhhh, que a Chía está durmindo...

Post mortem.

2009-06-10T03:02:00.000-07:00

Ollei pr´arriba. Busquei algo a que amarrarme pra non morrer da dor. Calquera impulso tería sido suficiente. Tan só un pequeno empuxón e conseguiríao. Pero nada diso sucedeu. Agora estou aquí, tirada, inmóvil, completamente espida ante este sol abrasador. Árdeme a pel. Un nó na gorxa. E a mente vai quedando en branco. Sinto como a alma se vai desprendendo do corpo. Deste corpo que xa non me pertence. Alleo a todo. Descompoñéndose baixo esa bóla de lume que algún día chamei "Deus".

O tití.

2009-06-10T02:47:00.000-07:00

- Lucas, como fai o tití?

- Guau, guau.

A nube pousouse sobre nós.

2009-06-09T13:06:00.000-07:00

Pois se indo á misa din que se relaxan, que vaian á misa.

2009-06-09T12:56:00.000-07:00

Chove.

2009-06-09T11:30:00.000-07:00

Aquí, tódolos días é inverno.

2009-06-09T11:26:00.001-07:00

Ti.

2009-06-09T11:22:00.000-07:00

O señor Fontelo loita contra a besta.

2009-06-09T10:47:00.000-07:00

Metamorfose.

2009-06-09T10:41:00.000-07:00

Conversa de serán.

2008-06-03T09:27:00.000-07:00

- Sabes unha cousa?
- Non.
- Fíxenme budista.
- E iso?
- Cando morra quero reencarnarme.
- Para que?
- Quero ser un paxaro.
- E porque un paxaro?
- Porque sempre quixen voar.
- E que paxaro queres ser?
- Unha andoriña.
- Haha.
- Non te rías. Quero ser unha andoriña … son tan bonitas! E tan listas!
- Coma ti.
- Boh.
- Boh non.
- E ti non te queres reencarnar?
- Bueno.
- E que queres ser?
- Mmmm…un lagarto.
- Un lagarto?
- Si.
- E para que queres ser un lagarto?
- Para deitarme ao sol.
- Iso xa o fas sempre.
- Porque me gusta.
- E ti cres que un lagarto e unha andoriña farían boa parella?
- Non.
- Pois é unha mágoa.
- Porque?
- Porque nin reencarnándonos faríamos boa parella. É triste.
- A min non mo parece.
- Porque ti es un lagarto.
- E ti unha andoriña.